image

PeyamaKurd – Çavdêriya Mafên Mirovan a Sûriyê (SOHR) ragihand ku di encama şerê navbera hêzên rejîma Sûriyê û terorîstên DAIŞê yê li çolistana Sûriyê de, 33 kes ji hêzên rejîmê û terorîstên DAIŞê hatin kuştin.

Li gorî ragihandina SOHRê şer li deverên cuda yên çolistana Sûriyê û bi taybet jî li sêgoşeya Heleb, Hema, Reqa û çolistana rojhilatê Himsê berdewam dike ku DAIŞ êrîşan dibe ser hêzên rejîmê.

SOHRê daye xuyakirin ku di encama şerê di 48 saetên derbasbûyî de 19 endamên hêzên hikumeta Şamê û 14 çekdarên DAIŞê hatine kuştin.

SOHRê herwiha destnîşan kiriye ku ji ber giranbûna rewşa birîndaran dibe hejmara kuştiyan zêdetir bibe.