image

PeyamaKurd – Li Efrînê çekdarên girêdayî Tirkiyê, dest bi birîna darên zeytûnan kirin û metirsiya birîna 4 hezar darên zeytûnan li nahiya Reco ya Efrînê heye.

Li gor Rêxistina Mafê Mirovan li Efrînê ragihand, roja Yekşemê çekdarên koma bi navê Feyleq el Şam, êrîşî bajarokê Meydan Ekbis kirin û mebesta wan çekdaran, rê li ber cotkaran bigirin û nehêlin biçin nav zeviyên xwe.

Herwiha zanyariyên ji Rêxistina Mafê Mirovan li Efrînê diyar dike, heta êvara derbasbûyî, birrîna daran ji aliyê çekdaran ve li wê deverê berdewam bûye.

Herêma Efrînê ya Rojavayê Kurdistanê, ji Adara 2018an ve di kontrola artêşa Tirkiyê û komên çekdar ên opozîsyona Sûriyê de ye.