image


پەیامی کورد ... پەیکەرێک لە دهۆک دۆزرایەوە کە مێژووەکەی دەگەڕێتەوە بۆ پێنج هەزار ساڵ پێش

 

پەیكەرێك  لە سنوری دهۆك دۆزرایەوە كە پەیوەندی بە زەردەشتیەكانەوە هەیە و مێژووەکەی دەگەرێتەوە بۆ پێنج هەزار ساڵ پێش ئێستا.

 

حەسەن ئەحمەد، بەڕێوەبەری شوێنەواری پارێزگای دهۆك، ڕایگەیاندووە کە بەردێكی نەخشدار لە قەزای سیمێل دۆزراوەتەوە كە مێژووەكەی دەگەڕێتەوە بۆ سێ هەزار ساڵ پێش زاین.

 

ئەو وتیشی ئەو شوێنەوارەی دۆزراوەتەوە پێدەچێت وێنەی پاشایەك بێت یان رەبەنێك بێت، كە پەیوەندی بە ئاینی زەردەشتیەوە هەیە، پێشتریش چەند شوێنەوارێكی دیكەی زەردەشتیەكان لە سنوری پارێزگای دهۆك دۆزراوەتەوە. 

 

ئەو باسی لە گرنگی ئەو پارچە شوێنەوارە كرد كە هاوشێوەی نیە لە جیهاندا و شێوازی دروستكردن و شێوازی جل و بەرگی پەیكەرەكە جێگای سەرنجە. 

 

بەڕێوەبەری شوێنەواری دهۆك راشیگەیاند ئەوان بۆ گەڕانی دۆزینەوەی شوێنەوار لەگەڵ ژمارەیەكی زۆر لە زانكۆكانی جیهان پەیوەندیان هەیە بەهۆی ئەوەی ناوچەكە لانكەی سەرەتایی نیشتەجێبوونی خەڵك بووە.