image


پەیامی کورد ... فەڕانسا مۆڵەتی چالاکی کۆمەڵەیەکی ئیسلامی هەڵوەشاندەوە

 

گێرالد دارمانان، وەزیری ناوخۆی فەرەنسا ڕایگەیاند، ئەنجومەنی وەزیرانی فەرەنسا بڕیاریداوە "بەرەكەت ستی" بە هۆی پەیوەندی لەگەڵ ڕەوتی ئیسلامیی توندڕەو هەڵبوەشێنێتەوە.

 

لە تویتێكدا وەزیری ناوخۆی فەرەنسا ئەمڕۆ چوارشەممە ٢٨ی تشرینی یەكەم نوسیویەتی، "ئەو كۆمەڵەیە كە ئیدریس یەمو ناسراو بە ئیدریس سی حەمدی سەرۆكایەتی دەكات، هانی ڕقلێبوونەوە دەدات و لەناو ڕەوتی ئیسلامیی توندڕەودا پەیوەندی هەیە و پاساوی بۆ كار و كردەوە تیرۆریستییەكان دەهێنایەوە."

 

دوای كوژرانی مامۆستا فەرەنسییەكە لە ١٦ی ئەم مانگەدا، وەزیری ناوخۆی فەرەنسا داوای هەڵوەشاندنەوەی كۆمەڵەی "بەرەكەت ستی" كردبوو، كە لەلایەن كەسێكی سەلەفییەوە بەڕیوەدەبرێت.