image


پەیامی کورد …  کونسوڵی بەریتانیا پەیامێکی لەسەر سەردانەکەی پاپا بۆ هەولێر بڵاو کردەوە

 

کۆنسوڵی بەریتانیا لە هەرێمی کوردستان خۆشحاڵی خۆی لە بەرامبەر سەردانەکەی پاپا فرانسیس بۆ هەولێر دەردەبرێت و رایگەیاندووە، "شەرەفێکی گەورە بوو لەوێ بووم".

 

جەیمس سۆرنتۆن، کۆنسوڵی بەریتانیا لە هەرێمی کوردستان چەند وێنەیەکی خۆی لە یاریگەی شەهید فرەنسۆ هەریری لە تۆری کۆمەڵایەتیی تویتەر بلاوکردۆتەوە و لە تویتێکیشدا رایگەیاند، "رێوڕەسمەکەی ئەمرۆی پاپا فرانسیس لە هەولێر پر لە خۆشی و شادی بوو، شەرەفێکی گەورە بوو لەوێ بووم".

 

هەروەها لە بەشێکی دیکەی تویتەکەیدا دەڵێت، "کۆمەڵگەی کریستیان لە هەرێمی کوردستانی عێراق ئاشتییانە لەگەڵ موسڵمان، ئێزدی و پێکهاتەکانی دیکە دەژین. ئومێدەوارم ئەم پێکەوەژیانە درێژەی هەبێت".

 

ئەمرۆ یەکشەممە، پاپا فرانسیس بە سەردانێکی فەرمی گەشتە شاری هەولێر و لە لایەن بەرپرسانی باڵای حکومی و بەشێکی زۆری کریستیانەکانەوە پێشوازییەکی گەرمی لێکرا.