image

PeyamaKurd – Rûsya dorpêçê danîbû ser 43 hemwelatiyên Kanadayê û li hemberê biryara Rûsyayê dewleta Kanadayê dorpêçê danî ser 82 dezge û kesên ji Rûsya, Belarûs û Ûkraynayê. Ragihandin ji aliyê baregeha serokwezîrê Kanadayê ya Justin Trudeau de hat kirin.

Baregeh ragihand ku bi sedema îşxala Ûkraynayê ji aliyê Rûsya de, 6 kes û 46 dezgeyên ku têkiliyên wan bi sektora bergiriya Rûsya re heye, 15 kesên Ûkraynayî û 13 kesên Balarûsî û 2 dezgeyên ku destekê didin îşxala Rûsyayê ya ser Ûkraynayê, biryara dorpêça ser wan daye. Kanada her weha qedexeyê danî ser îxracata teknolojiya ku karibe kapasîta hilberîna bergiriya Rûsyayê zêde bike û alav û teknolojiya ku alîkariya hilberîna sîlihan li Belarûsê bike, qedexê danî ser temamê îxracata wan.

Kanada astengiyê danî ber alavên propogandayê yên Rûsya karibe di wan de dezenformasyonê bike.