image

PeyamaKurd – Serokwezîrê Iraqê Mistefa Kazimî, derbarê xwepêşandanên nerazîbûnê yên piştî hilbijartinên parlamentoya Iraqê de ligel berpirsên ewlehiyê civînek saz kir.

Kazimî di civînê de got, “Xwepêşandanên aştiyane mafê hemwelatiyan e. Erka hêzên ewlekariyê jî parastina wan e.”

Serokwezîrê Iraqê da xuyakirin ku lidarxistina xwepêşandana ne li dijî yasayan e, lê divê xwepêşander rêyan negirin, jiyana xelkê asteng nekin û êrîşî sazî û dezgehên dewletê nekin.

Hêjayî gotinê ye, alîgirên partiyên şîe yên ji encamên hilbijartinan nerazî ne li Herêma Kesk a Bexdayê hê jî di mangirtinê de ne û dixwazin deng ji nû ve bi destan bên jimartin.