image

PeyamaKurd – Yekem hevdîtina rûbirî ya Serokê Amerîkayê Joe Biden û Serokê Rûsyayê Vladimîr Pûtîn li koşka Villa La Grange a Cenevê îro 16ê Hezîrana 2021ê hat encamdan.

Hat ragihandin ku hevdîtin bi beşdariya wezîrên derve yên herdu welatan û wergêran rûbirû tê kirin. Beriya destpêkirina hevdîtinê Joe Biden û Pûtîn ji aliyê serokomarê Swîsreyê Guy Parmelin ve hatin pêşwazîkirin.

Ji ber hevdîtina Biden û Pûtîn li bajarê Cenevê parastineke zêde ya ewlehiyê heye.

Beriya 36 sal berê di mijdara 1985an de jî lutkeyeke dîrokî di navbera serokê wê demê yê Amerîka Ronald Reagan û serokê Yekîtiya Sovyetan Mihail Gorbaçov de hatibû encamdan.

Çav li rê ye hevdîtina Biden û Pûtîn ji ber zêdebûna mijarê gengeşekirinê dora 4-5 saetan dom bike ku ti encameke hêviyê bo pêwendiyên herdu aliyan bide nayê çaverêkirin. Li gorî daxuyaniyên rêveberiya Amerîkayê, mebest ji hevdîtinê vekirî hiştina rêyên dîyalogê ye.