PeyamaKurd- Piştî diyarbûna encamên Hilbijartina Serokomariya Tirkiyeyê ya navbera Kemal Kiliçdarglu û Recep Tayîp Erdogan, ji aliyê Seroka Giştî ya ÎYÎ Partiyê Meral Akşener ve daxuyaniya yekem hat dayîn.

Meral Akşener di daxuyaniyê de bal kişand ser rêjeya dengên ku namzedê Tifaqa Milet Kemal Kiliçdaroglu girtine û diyar kir ku ya dikeve ser milên wan, wekî opozîsyona Tirkiyeyê ji vê peyama gel fêm bikin.

Akşener di daxuyaniyê de wiha got:

“Me îro gera duyem a Hilbijartina Serokomariyê temam kir. Ji dil û can spasiyên xwe pêşkêşî hemû çavdêrên me yên li ser sindoqan kar dikin, berpirsên dibistanê û sindoqên dengdanê, parêzerên me û hemû welatiyên me yên ji hemû temenan dikin. Ez spasiya ciwan û jinan dikim. 

Ligel hemû provokasyonan jî gelê me mafê xwe yê demokratîk bi mezinbûneke mezin bi kar hanî. Xwedê sebrê bide her yek ji welatiyên me. Rojeva hilbijartinê li welatê me welat westandiye. Gelek pirsgirêkên me yên komkirî hene. Di nav van de ya sereke aborî ye. Niha dema çareserkirina van pirsgirêkan û dîtina çareyan e. Em ê erka dijberiyê ya ku gelê me daye me bi cih bînin. 

Di serî de ez dixwazim bibêjim ku ji bo me pîvana herî paqij dengdêr e. Di ser vîna gel re tu vîn tuneye. Erka me ew e ku em peyamê fêm bikin û piştî têgihiştina wê çi pêwîst be bikin. Divê tu gelê me ji encamên hilbijartinê bêhêvî nebe.

Dema vînek derket holê, mafê kesî tuneye ku bibêje te çia deng daye. Me ji roja ewil ve guh da dengê miletê xwe. Me rê neda ku li derveyî daxwaza miletê me, tu armancek hebe û ji bo vê yekê jî dem bi dem rastî rexneyên giran dihatin. Me gelek berdêl dan. Piştî îro em ê guh bidin daxwazên miletê xwe. Ji bîr nekin ku em hîn li vir in. Em wekî ÎYÎ Partî û endamên ÎYÎ Partiyê li vir in, li Meclîsê ne, li Tirkiyeyê ne. 

Ez pîrozbahiyê li Birêz Recep Tayîp Erdogan dikim ku li gorî encamên nediyar ji nû ve hat hilbijartin. Dixwazim bi bîr bînim ku Birêz Erdogan jî ji encaman dersên mezin hene. Ji bo me encam esas e, sibê roja yekem e.

Hêvîdar im ku ew bi xwe bi awayekî rast hesabkirina encaman bike. Em ê ji sibê ve encaman şîrove bikin, dersên pêwîst derxin. Her çendî axaftina wî ya li Kisikliyê di vê çarçoveyê de hêviyek neda jî lê ez gelekî xemgîn bûm. Hêvîdar im ku ev dawî ye. 

Min gelek şermezar kir, gelek xemgîn bûm. Hêvîdar im bê bîra wî ku ew di dema dawî de Serokomarê hemû Tirkiyeyê bû. 

Di vê demê de me ewil encamên hilbijartina 14ê Gulanê nîqaş nekir. Min ji hevalên xwe re got, hilbijartin qediya, piştî 15 rojan hilbijartinek heye ku diçe gera duyem. Em ê li vir bisekinin, em ê biaxivin. Me nîqaşa encamên 14ê Gulanê yên ÎYÎ Partiyê taloq kir piştî 28ê Gulanê. Em ê vê peyamê bi hemû hevalên xwe re bixwînin. Pêşî em ê bi dengên ÎYÎ Partî li ser tiştên ku divê em têbigihêjin binihêrin Tifaqa Milet çi ye û çi nîn e, ev mijareke paşerojê ye. 

Îro saet di 22.30an de li ser vexwendina Birêz Kiliçdaroglu, em diçin Navenda Giştî ya CHPê û li wir em ê nirxandinekê bikin."