PeyamaKurd- Piştî hevdîtina Serokomarê Tirkiyeyê Recep Tayîp Erdogan û Sekreterê Giştî yê NATOyê Jens Stoltenberg ku îro li Senbolê hatibû kirin, ji aliyê Stoltenberg ve daxuyanî hat dayîn.

Piştî hevdîtina Erdogan û Stoltenberg ku Dolmabahçeyê bi qasî saetekê dewam kir, ji aliyê Stoltenberg ve ev daxuyanî hat dayîn:

"Tirkiye, hevalbendekî NATOyê yê gelek girîng û bi qîmet e û tevkariyên girîng ên hevpeymaniyê dike. Di nav van alîkariyên de leşkerên ku di van demên dawî de ji bo mîsyona aştiyê ya li Kosovayê hatin dayîn jî hene. Dema ku rageşî zêde dibin, ev alîkarî gelek girîng in. Tirkiye jî piştgiriyê dide perwerdehiyê. Hêzên Iraqî yên di bin banê NATOyê de hêzên xwe yên ji berê diyarkirî ji koma şerker a pirneteweyî ya NATOyê re li Macarîstanê diyar kir.

Tirkiye jî piştgiriyeke xurt dide Ukraynayê. Di vê yekê de pêşengiya wê ya di înîsiyatîfa genim a li Deryaya Reş de jî heye. Ez jî hatim vê derê da ku hevgiriya xwe bi erdheja ku çend meh berê bû sedema wêraniyeke mezin, nîşan bidim. Ji wê demê ve NATO gelek beşdarî bersivdayîna erdhejê bû ku di nav de peydakirina stargehek demkî ya ji bi hezaran kesan re jî hebû. Min di hevdîtina xwe ya bi Serokomar Erdogan re ji ber ku ji nû ve hat hilbijartin, ew pîroz kir. Min jî ji ber beşdarbûna bilind spasî û hurmeta xwe pêşkêşî gelê Tirk kir.

"Me pêvajoya endamtiya NATOyê gotûbêj kir"

Di têkoşîna li dijî terorê de ku PKK jî di nav de ye, hevkarî zêde dibe. Di çend rojên borî de guhertinên girîng di yasaya li dijî terorê de ketine meriyetê. Ji ber vê yekê Swêdê sozên xwe temam kirin. Di heman demê de ez dizanim ku dîtina xwepêşandanên li Swêdê yên li dijî Tirkiye û NATOyê zehmetiyan derdixe."

"Endamtiya NATOyê, dê Swêdê bihêztir bike"

Stoltenberg got, "Ez bi eşkereyî dibêjim. Azadiya civîn û îfadeyê di nav nirxên bingehîn ên civakên me yên demokratîk de ne û divê bên parastin û rêzgirtin.

Lê belê, divê em vê yekê jî bînin bîra xwe ku çima xwepêşandanên navborî hatin lidarxistin. Organîzatorên van xwepêşandanan hewil didin ku Swêd nekeve NATOyê. Di heman demê de dixwazin hevkariya Swêdê ya bi Tirkiyeyê re di têkoşîna li dijî terorê de têk bibin. Di heman demê de NATOyê qels dikin. Divê em nehêlin ku ew bi ser bikevin. Tirkiye, Fînlandiya û Swêdê par di Lûtkeya NATO ya Madrîdê de peymaneke sê alî destnîşan kiribû û rê li ber endamtiya Fînlandiya û Swêdê ya NATOyê vekiribû.

Mekanîzmaya hevpar a daîmî ku li gorî vê peymanê hatiye avakirin, bi taybetî di têkoşîna li dijî terorê de xwedî roleke girîng e. Di hevdîtina me ya îro ya bi Serokomar Erdogan re de me li hev kir ku civîna bê ya mekanîzmaya hevpar a daîmî di hefteya 12ê Hezîranê de dîsa bê kirin. Endambûna NATOyê wê Swêd bihêztir bike, lê wê NATO û Tirkiyeyê jî bihêztir bike. Ji ber vê yekê ez dixwazim di zûtirîn demê de pêvajoya endamtiya Swêdê ya ji bo NATOyê biqede."

Stoltenberg li ser pirsa, “Gelo dê Swêd wekî endamê NATOyê beşdarî civîna 12ê Hezîranê bibe yan na?  wiha got:

"Li gorî min, dema vê yekê hatiye. Wekî hûn jî dizanin par li Madrîdê hemû hevpeymanan biryarên xeternak girtin. Tirkiye jî beşdarî van biryaran bû û Swêd vexwend û Fînlandiya jî bibin endam, ji wê demê ve Fînlandiya bûye endamê hevpeymaniyê. Wekî hûn jî dizanin Swêd gelek nêzîkî NATOyê bûye, ji bilî wê jî Swêd li gor biryarên ku di Lûtkeya Madrîdê de hatine dayîn, biryarên din ên gelek girîng dane.

Hûn dizanin mekanîzmayeke hevkariyê ya daîmî hatiye avakirin. Ji xeynî vê em dibînin ku Swêd niha di hinardeya çekan de rejîmek gelek hêsantir pêk tîne. 

Swêdê jî destûra xwe guhert, ambargoyên xwe yên li ser Tirkiyeyê rakirin. Ji ber vê yekê di vê demê de hinartina çekan ji Swêdê bo Tirkiyeyê bû kirariyek ku ji hinardekirina tu hevpeymanan cudatir nîn e. Ji ber vê yekê Swêd, Fînlandiya û Tirkiye niha gelek ji nêz ve dixebitin. Ev yek me kêfxweş dike.”