PeyamaKurd – Hat ragihandin ku balafireke şer a Rûsyayê çeperên çekdarên opozîsyona Sûriyê yên gundewarên parêzgeha Idlibê bombebaran kir.
Li gorî ragihandin Çavdêriya Mafên Mirovan li Sûriyê (SOHR) îro 26ê Gulanê balafireke şer a Rûsyayê, gundewarên başûrê Idlibê yên deverên Jabal Al-Zaviyah Fulayfel û Sfuhen bombebaran kir ku li wir hêzên opozîsyonê hebûn.
SOHRê daye xuyakirin ku li deverên navborî yên 'herêma bêçek' a Idbilê 5 êrîşên asmanî hatine kirin û çeperên çekdarên opozîsyonê hatine hedefgirtin.
Derbarê ziyanên canî yên êrîşa asmanî de ti hurgilî nehatin belavkirin.
