PeyamaKurd- Li gorî daxuyaniya Yekîtiya Pizîşkên Sudanê, li paytext Xartûmê û bajarên din, di pevçûnên navbera artêş û HDKê de 850 sivîlan can dane.

Li bajarên cuda bi taybetî li paytext Xartûmê, 36 roj in di navbera partiyan de pevçûn berdewam dikin.

Di daxuyaniya ku hat dayîn de hat diyarkirin ku di pevçûnên navbera artêş û HDKê de 850 sivîlan can dane û 3394 kes jî birîndar bûne.

Bi qasî 10 salan piştî hikûmeteke sivîl şer û alozî di sibeha 15ê Nîsanê de li paytext Xartûm û gelek bajarên cuda veguherî şerê çekdarî, hejmara qurbaniyên mirî û birîndar gihîşt bi hezaran.

HDK ji bo şerê li dijî serhildêran, parastina sînoran û dabînkirina ewlehiyê li herêma Darfur a li ser sînorê Çadê li rojava, di serdema Serok Omer El-Beşîr de ku di sala 2019ê de ji desthilatê hatibû rûxandin, di çarçoveya avahiyeke milîs de hatibû avakirin.