image

PeyamaKurd – Hat ragihandin ku piştî hefteyekê bi ser mehkumkirina serbazekî berê yê îstixbarata rejîma Sûriyê li bajarê Koblenz ê Almanyayê, dadgeha bajarê Frankfurt a Alman jî sibe Çarşemê dest bi dadgehkirina bijîşkekî îşkencekar ê rejîma Sûriyê dike.

Medya Alman eşkere kiriye ku dadgehkirina "bijîşkê îşkencekirinê" ê sûrî Ela Mûsa (36) ku tewanên îşkencekirin û kuştina girtiyan li Sûriyê di salên 2011–2012an de li dijî wî hene dest pê dike.

Dadgerê giştî, wî bijîşkî bi tawanên kuştina girtiyekî û îşkencekirina 18 kesan tohmetbar dike û 9 kesên ji aliyê wî bijîşkî ve hatine îşkencekirin jî wekî şahid beşdarî darizandina wî dibin.

Navenda Sûriyê ya lêkolînên qanûnî destpêkirina dadgeha Mûsa bi erênî pêşwazî kir û teqez ki, wê şopandina tawanbarên li dijî mirovahiyê û tawanên şer li Sûriyê li Almanyayê bidome.

Bijîşkê îşkencekar Mûsa di sala 2015an de gihîştiye Almaniyayê û fêrî ziman bûye û guhertin di nasnameya xwe de kirine da ku di nexweşxaneyên Almanyayê de li bajarê Hessen û Frankfurtê kar bike. Lê belê Mûsa 19ê Hezîrana 2020an de hatiye girtin ku wê demê li nexweşxaneyekî kar dikin.