image

PeyamaKurd – Li Hewlêrê 2 karkerên jin ên ji Sûriyê, di encama şewatekê de can dan.

Vê sibehê agir bi garaj û odeya razana karkeran a mêvanxaneya Ferîd a li ser cadeya 30 metre ya bajarê Hewlêrê, ku yek ji mêvanxaneyên kevn ên Hewlêrê ye ket.

Xwediyê mêvanxaneyê daye zanîn; dema şewat derket, wan her du jinên ku can dan, nekarîne ji odeyê derkevin.

Herwiha destnîşan kir; ji ber ku roja înê bazara millî li nêzîkî mêvanxaneyê tê danîn û mêvanxane nêzîkî qada firotina bisîkletan e, tîmên agirkuj nekarîne zû xwe bigihînin cihê bûyerê.

Xwediyê mêvanxaneyê eşkere kiriye; eger tîmên agirkuj zû bigihiştana cihê bûyerê, wan her du jinan can nedidan û dibe ku bihatana rizgarkirin.