image

PeyamaKurd - Serokwezîrê Herêma Kurdistanê Mesrûr Barzanî di merasîma derçûnê ya Zanîngeha Amerîkî ya Kurdistanê li Duhokê gotarek pêşkêş kir. Mesrûr Barzanî bal kişand ser ku ew naxwazin tekane dahata Kurdistanê tenê petrol be û projeyên hikûmeta Kurdistanê yên bo dabînkirina dahatên warên cûda bibîr xistin.

 Serokwezîr Mesrûr Barzanî di destpêka gotara xwe de spasiya endamên desteya zanîngehê û karmend û mamostayên zanîngehê kir û pîrozbayiyên xwe pêşkêşî xwendevanên derçûyên salên 2020-2021ê kir.

Mesrûr Barzanî got: “Ez bi rûmet im ku amade me û şahidê serketina we me. Ez pesnê xebatên we didim ku hûn li hember astengên pandemiya Koronayê bi ser ketin û perwerdeya xwe domandin.”

Serokwezîr Barzanî destnîşan kir: “Ji sibata 2020an ve hûn li ser xwendina xwe û wergirtina dersên xwe bi rêya online, berdewam bûn. Ez kêfxweş im ku xwendin bi awayekî serkeftî li vê zanîngehê birêveçû û bûye modêla ku zanîngehên din jî bi vî awayî xwendinê bikin.”

Di gotara xwe de Serokwezîr Mesrûr Barzanî diyar kir ku xwendekaran hewl dan bi belavbûna pandemiyê re bi awayekî xwebexş bixebitin û alîkariya hejaran bikin ku bûne modelek ji bo lidarxistina gelek kampanyayên cuda û beşdarbûneke wan a çalak hebû û serdana cihên ciyawaz dikirin û projeyên xwebexşî û xêrxwazî encam dan.

Mesrûr Barzanî destnîşan kir ku ew naxwazin tekane dahata Kurdistanê tenê petrol be û di berdewamê de got: “Tevî hebûna Koronayê wan karîye gelek projeyên serkeftî pêk bînin ku ji bo wan bûye xaleke mezin.  Herwiha ew sîstema elektronîkî ya ku wan damezrand ji bo ku xwendekar sûdê ji pirtûkxaneya zanîngehê werbigrin û xwendina xwe bidomînin û karîn gelek projeyên biçûk ên bazirganî pêk bînin. Derçûyên zanîngeha Amerîkî ya Kurdistanê li Duhokê hewl dan ku li ser asta Iraqê beşdarî di pêşbirkeke zanistan de bikin.”