image

 PeyamaKurd - Serok Mesûd Barzanî îro 18ê Nîsanê pêşwazî li Balyozê Tirkiye li Iraqê Fatih Yildiz kir ku ji bo xatirxwestinê hatibû Kurdistanê.

Di hevdîtinê de ku Balyozê Tirkiye li Iraqê bi mebesta malavayî û dawî hatina erkên xwe ya li Iraqê serdana Serok Barzanî kiribû, Balyozê Tirkiye silavên Serokomarê Tirkiyê bi Serok Barzanî gihand û her wiha wan êrîşên li ser Herêma Kurdistan û Balafirxaneya Navdewletiya Hewlêrê şermezar kir.

Her di vê hevdîtinê de ku Hakan Karaçay Konsolê Giştî yê Tirkiye li Hewlêrê jî amade bû, tekez li ser pêşxistina peywendiyên di navbera Herêma Kurdistan û Tirkiyê kirin û her du alî jî li ser ewe hevrê bûn ku bi navê mîsogerbûna aramî û vegerandina koçberan pêwîste rêkeftinnameya di navbera Hikûmeta Federaliya Iraqê û Hikûmeta Herêma Kurdistanê ya ji bo asayîkirina rewşa Şingalê bê bicîhkirin.