image


پەیامی کورد... دۆلار بەشێوەیەكی بەرچاو بەرزبووەوە

بەھۆی ڕاگرتنی خستنەڕووی دۆلار بەشێوەی حەواڵە لەلایەن بانکی ناوەندیی عێراق و خستنەڕووی بڕێکی کەمی دۆلار بۆ ئەمڕۆ، بەھای دینار بەرامبەر دۆلار دابەزی.

ئەمڕۆ لەکاتی کردنەوەی بازاڕی ئاڵوگۆڕی دراو لە ھەرێمی کوردستان و عێراق، 100 دۆلار بە 156 ھەزار دینار مامەڵەی پێوەکرا و بانکی ناوەندی عێراقیش رایگەیاندووە، خستنەرووی دۆلاری بەشێوەی حەواڵە بۆ ئەمڕۆ ڕاگرتووە، ئەوەش پەیوەندی بەو ڕێوشوێنە کارگێڕی و تەکنیکیانەوە ھەیە کە دەیەوێت ئەو دۆلارەی لە عێراقدا ھەیە وڵاتانی ناوچەکە سودی لێ وەرنەگرن.

ئاشکراشیکردووە، ئەمڕۆ تەنھا 43 ملیۆن و 500 ھەزار دۆلار بەشێوەی کاش دەخاتەڕوو، ئەوەش کەمترین بڕە لە ماوەی چەند ساڵی رابردوودا بانکی ناوەندی خستوویەتییەڕوو.

بەو ھۆکارانەش پێدەچێت ئەمڕۆ بەھای دیناری عێراقی بەرامبەر بە دۆلاری ئەمریکی زیاتر داببەزێت.