image


پەیامی کورد … بەغدا/ بنکەی ئاسمانی بەلەد کرایە ئامانج

 

ئەمشەو ١٨ی نیسانی ٢٠٢١، بنكەی ئاسمانیی بەلەد لە سنووری پارێزگای سەڵاحەدین، كە بنكەیەكی سەربازیی هاوبەشی ئەمریكی و عێراقیە، بە پێنج مووشەك كرایە ئامانج، لە ئەنجامدا دوو سەربازی عێراقی بریندار بوون.

 

بەپێی زانیارییە سەرەتاییەكان، بنكەی سەربازیی ئاسمانیی بەلەد كراوەتە ئامانجی مووشەكبارانكردن و تا ئێستا برینداربوونی دوو سەربازی عێراقی پشتڕاست كراوەتەوە.

 

ئەم بنكە ئاسمانییە ئێستا هێزی سوپای ئەمریكای لێ نییە، تەنها ژمارەیەك ڕاهێنەر و بەڵێندەری ئەمریكی و ئەندازیارانی چاككردنەوەی فڕۆكەی F16ی ئەمریكی لێیە، لەگەڵ هێزەكانی سوپای عێراق.

 

میدیاكانی عێراق بڵاویان كردەوە لە كۆی ئەم پێنج مووشەكەی ئاراستەی بنكەكە كراون، دوو مووشەك بەر بنكە ئاسمانییەكە كەوتوون، ئەوانی تریش لە دەوروبەری بنكەكە كه‌وتوونه‌ته‌ خواره‌وه‌.