image

پەیامی کورد     ...  کۆچبەرانی عێراقی لە لایەن سەربازانی پۆڵەندا وە بەشێوەی نهێنی و بەکۆمەڵ کوژرا و لەسێدارە دراون

لیژنەی لێکۆڵینەوەی بیلارووسیا رایدەگەینێت، ئەو بەڵگە و زانیارییە نهێنیانەیان داوەتە عێراق کە دەیسەلمێنن، سەربازانی پۆڵەندا لەسەر سنوور کوشتن و لەسێدارەدانی کۆچبەرانی ئەو ووڵاتەیان بەشێوەی نهێنی و بەکۆمەڵ ئەنجامداوە.

لیژنەی لێکۆڵینەوەی بیلارووسیا، لە راگەیندراوێکدا بڵاویکردوەتەوە،" لەبنکەی فیدڕاڵی لیژنەکەمان لەگەڵ وەفدێکی عێراقی کۆبوینەوە کە تێیدا فەرمانبەرانی لێکۆڵینەوەی سەرەکەی لیژنەی لێکۆڵینەوەی سەر بە وەزارەتی دەرەوە و لیژنەی ئاسایشی سنوورە نێودەوڵەتییەکان و بنکەی مافەکانی مرۆڤ ئامادەی بوون، تێیدا هەموو ئەو بەڵگە و زانیارییانەمان بە عێراق دا کە دەیسەلمێنن سەربازە پۆڵەندیەکان لە ناوچە سنوورییەکان لەگەڵ بیلارووسیا بەشێوەیەکی نهێنی لەسێدارەدانی بەکۆمەڵیان بەسەر ئەو کۆچبەرە عێراقی یانەدا سەپاندوە کە ویستوویانە لەو رێگەیەوە خۆیان بگەیەننە ئەورووپا  وهەر بە نهێنیش لەسێدارەیان داون".

ئاماژەی بەوەشکردوە،" لە کۆبوونەوەکەدا لایەنی عێراقی زانیاری پێویستی لەبارەی ئەنجامی لێکۆڵینەوەکان لەو پرسە تاوانکارییە تایبەتە دەستکەوت، کە تاوانێکی دژ بە مرۆڤایەتی یە و بانگەشەی جەنگە و خستنە بەر مەترسی بەئەنقەستە، ئەم کارە کارێکی نایاساییە و خۆی لە هەرسێ بابەتی( دیپۆرتکردنەوە و ئەشکەنجە و نەبونی بەزەیی مرۆڤانە) دەبینێتەوە، کەمتەرخەمییەکی بە ئەنقەستی پێشکەشکردنی هاوکارییە بە کۆچبەران کە لە ئەنجامدا مردنی کۆچبەرانی رۆژهەڵاتی ناوەڕاست لەنێویشیاندا عێراق و ئەفغانستانی لێکەوتوەتەوە".

ئاشکراشیکردوە،"ئەم تاوانە لەسەر بنەمای رەگەز و بنەچە و نەتەوەیی لەسەر سنووری پۆڵەندا لە دژی ئەو کەسانەی ویستویانە بە دەوڵەتە ئەوروپیەکانی دیکە بگەن ئەنجامدراوە.

ئەمە لەکاتێکدایە، لەماوەی رابردوودا لێکۆڵەرە بیلارووسییەکان، تاوانێکیان دژی ١٣٥ هاووڵاتی عێراقی ئاشکراکرد کە لەسەر سنووری بیلارووسیا پۆڵەندا لەلایەن سەربازانی پۆڵەندییەوە لە دژیان ئەنجامدراوە، کە بوەتە هۆی برینداربوون و ئازاری زۆر.
هاوکات لێکۆڵینەوەکان سەلماندوویانە، سێ لە کەیسەکان پەیوەندیدارە بە ئازاری جەستە و ناردنەوەی بە زۆربۆ بیلارووسیا کە بوەتە هۆی مردنی ئەو هاووڵاتییە عێراقیانە