image

 


پەیامی کورد … بوومەلەرزەیەکی بەهێز ئەندونزیای هەژاند

 

بە گوێرەی زانیارییەکانی  سەنتەری ئەڵمانی بۆ زانستە جیۆلۆجییەكان ،  بومەلەرزەیەك بە گوڕی ٦.٦ پلەی ڕێختەر نزیك كەناراوەكانی باكووری ڕۆژئاوای دورگەی سۆمەترەی ئەندونزیای هەژاند.

 

سەنتەرەكە ئەمڕۆ هەینی ڕاشیگەیاند،، بومەلەرزەكە لە قوڵایی 10 كیلۆمەتردا بووە.

 

بەڵام ئاژانسی كەشناسی و ژینگە و جیۆفیزیایی ئەندۆنزیا بڵاویكردەوە، گوڕی بومەلەرزەكە ٧.٢ پلە و لە قوڵایی ١٩ كیلۆمەتردا بووە و، نەبووەتە هۆی دروستبوونی شەپۆلی گەورەی دەریا (تسۆنامی).

 

فیلیفۆ دایلی، بەرپرس لە ئاژانسی بەرەنگاربوونەوەی كارەساتەكان وتی، بومەلەرزەكە بۆ ماوەی ٢٠ چركە بەردەوام بووە، ئەوەشی وت كە دەسەڵاتداران تائێستا لە كۆكردنەوەی زانیارییدان دەربارەی كاریگەرییەكەی.