image


پەیامی کورد … هەژماری "پرێس تی‌ڤی" لەلایەن ئینستاگرام داخرا

هەژماری "پرێس تی‌ڤی" سەر بە دەنگوڕەنگی ئێران داخراو و ئەو تێلێڤیزیۆنه ڕایگەیاندووە ١٥٦ هەزار بەردەنگی بەهۆی داخرانی لەدەست داوە.

هەژماری "پرێس تی‌ڤی" لە ئینستاگرام دەبینرێت بەڵام ئەو میدیایە ناتوانێت بابەتی نوێ دابنێت و ئاخرین بابەتی کە دانراوە دەگەڕێتەوە بۆ یەک حەوتوو لەمەوپێش.

ئەوە یەکەمین جار نییە کە ئەو تێلێڤیزیۆنەی سەر بە ئێران لە تۆڕە کۆمەڵایەتییەکان سنووردار دەکرێت.

لە مانگی پووشپەڕی ئەمساڵدا پانتایی چالاکیی "دات کامـ"ـی ئەو تۆڕە و چەندین تۆڕی میدیایی دیکەی سەر بە ئێران لەلایەن وەزارەتی دادی ئەمریکا سنووردار کراون.