image


پەیامی کورد… ئێرانییەکان بۆ فرۆشتنی گورچیلە ڕوو لە عێراق دەکەن

حسێن بیكلەری، سەرۆكی كۆمەڵەی پاڵپشتی نەخۆشەكانی گورچیلە لە كرماشان دەڵێت هەژارەكانی ئێران كە دەیانەوێت گورچیلە بفرۆشن دەچن بۆ عێراق لەوێ نرخ بە دلارە و گرانترە.  

بیلكلەری لە لێدوانێكدا دەڵێت، ئەوانەی گورچیلە دەفرۆشن پێیان وایە نرخ لە ئێران هەرزانە و باشترە بچن بۆ عێراق لەوێ بەدۆلارە.  

بەوتەی ئەم بەرپرسە فرۆشیارانی گورچیلە زۆرن، بەڵام كڕیار زۆر كەمن چونكە نرخ گرانە و بەم هۆیەوە چاندن لە ئێران زۆر كەم بووەتەوە.  

بەگوێرەی زانیارییەكانی ناوبراو نرخ لە ئێران 80 ملیۆن تمەنە بۆ گورچیلە لەناو كۆمەڵەكەی ئەوان، بەڵام لەدەرەوەی ئەوان دەگاتە 150_300 ملیۆن تمەن.  

بە گوێرەی سەرچاوە پزیشكییەكانی ئێران فرۆشیارانی گورچیلە لە ئێران زۆر زیادیان كردووە بەهۆی هەژاری و نەبوونییەوە.