image

پەیامی کورد     ...    بەهای زێڕ بە شێوەیەکی بەرچاو بەرز دەبێتەوە

نرخی زێڕ ئەمڕۆ بەرزبوەوە و نرخی یەک ئۆنسە گەیشتە ١٩٠٢ دۆلار، ئەوەش بەهۆی دابەزینی بەهای دۆلاری ئەمریکی و گوشارەکانی زیادبوونی هەڵاوسان.

بەپێی زانیارییە ئابوورییەکانی ئەمڕۆ هەینی نرخی زێڕ لە بۆرسەی جیهانی بەڕێژەی ٠.١٣% بەرزبوەوە و نرخی یەک ئۆنسە گەیشتە ١٩٠٢ دۆلار، لەسەرەتای هەفتەی رابردوەوە زیار لە ٥%ی بەهاکەی بەرزبوەتەوە.

ئاستی هەڵاوسان کە پەیوەندیی راستەوخۆی بە نرخی کاڵاکانەوە هەیە، لەنێویاندا زێڕ، داتاکان دەریدەخەن لە مانگی (ئایار/٥)ی ٢٠٢١ دا نرخی بەکاربەری ئەمریکا بەرزبوەتەوە، ئەوەش بوە هۆی گەورەترین بەرزبوونەوەی ساڵانە لە ماوەی نزیکەی ١٣ ساڵدا.
هاوکات لە هەرێمی کوردستان نرخی  نرخی یەک مسقاڵ زێڕی عەیارە ١٨ بە ٣٤٥ هەزار دینار، نرخی یەک مسقاڵ زێڕی عەیارە ٢١ بە ٤٠٥ هەزار دینار و نرخی یەک مسقاڵ زێڕی عەیارە ٢٤ بە ٤٦٠ هەزار دینارە.