image


پەیامی کورد … ٤٠ کۆچبەرى کورد مانگێکە لە لیبیا دەستبەسەرکراون

ماوەى نزیکەى مانگێکە ٤٠ کۆچبەرى کورد لە لیبیا دەستبەسەرکراون، سەرۆکى  رێکخراوێکى تایبەت بە پەنابەرانیش دواین زانیارى دۆخى  ئەو کۆچبەرانە ئاشکرا دەکات.

ئارى جەلال سەرۆکى دەزگاى لوتکە لەوبارەوە ڕایگەیاند، هەوڵەکانمان بۆئازادکردنیان و گەڕاندنەوەیان بۆ هەرێمى کوردستان چڕکردوەتەوە بە هاوکارى لایەنە پەیویەندیدارەکان، بەڵام تائێستا دەرئەنجامێکى ئەوتۆى نەبوە، چونکە ئەو کۆچبەرانە بە نایاسایى چونەتە ناو خاکى لیبیاوە و لەلایەن هێزێکى میلشاییەوە دەستگیرکراون نەک هێزى فەرمى حکومەت، لەگەڵ ئەوەشدا هەوڵەکانمان بەردەوامە بۆ ئازادکردنیان بۆ ئەو مەبەستەش لەگەڵ وەزارەتى دەرەوە و کۆچ و کۆچبەرانى عێراق و باڵیۆزى عێراق لە لیبیا و چەند لایەنێکى تر لە پەیوەندیداین.

سەبارەت بەدۆخى ئێستاى ئەو پەنابەرانە، سەرۆکى دەزگاى لوتکە وتى، بەر لە ٢٤ کاتژمێر گواستراونەتەوە بۆ شوێنێکى باشتر لەو شوێنەى پێشویان و ئێستا لە جێگایەکى تەندروستدان.