image


پەیامی کورد … چەکدارێکی ئێرانی لە سنوورەکانی مەریوان کوژرا

 

شەوی دووشەممە ٣ی ئایاری ٢٠٢١،  بەهۆی تێکهەڵچوونی هێزێکی چەکدار لەگەڵ هێزی پاسەوانی سنووری ئێران لە ناوچە سنوورییەکانی مەریوان، فەرماندەیەکی هێزە ئەمنییەکانی ئێران کوژرا.

 

لەمبارەوە ماڵپەڕی (میهر)ی ئێران لەزاری عەلیزڕەزا مەرزبانی، فەرماندەی پاسەوانی پارێزگای سنەوە بڵاوی کردووەتەوە: "شەوی ڕابردوو لە ناوچەی "دەرناخێ"ی سەر بە مەریوان لە شەڕ و تێکهەڵچوونێکدا لەگەڵ هێزێکی دژە شۆڕش "حوسێن ناموەر" فەرماندەی پاسەوانی سنوور بە سەختی بریندار بووە و پاش گەیاندنی بە نەخۆشخانەی مەریوان، گیانی لەدەست داوە".

 

بەپێی هەمان سەرچاوە هێزە ئەمنییەکانی ئێران دەستڕێژی زۆریان لەو هێزە چەکدارە کردووە و ڕووبەڕوویان بوونەتەوە.

 

هەتا ئێستا وردەکاریی ئەو شەڕ و تێکهەڵچوونە بڵاو نەکراوەتەوە و هیچ پارت و لایەنێکی کوردیی ئۆپۆزسیۆنی ئێرانی بەرپرسایەتیی ئەو هێرشەیان نەگرتووەتە ئەستۆ.