image


پەیامی کورد … هاوپەیمانی نێودەوڵەتی وردەکاریی هێرشەکەى سەرهەولێر ئاشکرا دەکات

واین ماروتۆ، وتەبێژی هاوپەیمانی نێودەوڵەتی لە عێراق وردەکاری هێرشەکەی شەوی ڕابردووی سەر فڕۆکەخانەی هەولێری ئاشکرا کرد و دەڵێت، بە دوو فڕۆکەی بێفڕۆکەوان ئەنجام دراوە بەڵام هیچ زیانی نەبووە. 

لەمبارەیەوە واین ماروتۆ، وتەبێژی هاوپەیمانی نێودەوڵەتی لە عێراق لە تویتێکیدا لەتۆری كۆمەڵایەتی تویتەر نوسیویەتی: "نزیکەی کاتژمێر 11:43 خولەکی شەوی ڕابردوو بە دوو فڕۆکەی بێفڕۆکەوانەوە هێرشکرایە سەر هێزەکانمان لە هەولێر، ئەوانیش ڕێکاری پاراستنی پێویستیان گرتەبەر و فڕۆکە بێفڕۆکەوانەکان خرانەخوارەوە".

ناوبراو نوسیویەتیشی:"یەکێک لە فڕۆکە تێکشکێنراوەکان کەوتە ناو سنووری بنکەی هاوپەیمانیی نێودەوڵەتی و فڕۆکەکەی دیکەش کەوتە دەرەوەی سنوری بنکەکە، هێرشەکان هیچ زیانێکی گیانی و ماددییان لێنەکەوتووەتەوە".

ئەوەشی نوسیوە:هەر هێرشێک کە دەکرێتە سەر حکومەتی عێراق، هەرێمی کوردستان و هاوپەیمانان، دەسەڵاتی دامەزراوە عێراقییەکان، "سەروەریی یاسا و سەروەریی نیشتمانیی عێراق لەناودەبات".

ئەوەشی خستۆتەروو :ئەو هێرشانە ژیانی خەڵکی سیڤیل، هێزە هاوبەشەکانمان لە سوپای عێراق، هێزەکانی پێشمەرگە و هاوپەیمانان دەخەنە مەترسییەوە.