image


پەیامی کورد … حکوومەت پشووەکانی جەژنی رەمەزانی دیاریکرد

 

حکوومەتی هەرێمی کوردستان بڵاویکردەوە، بەبۆنەی جەژنی رەمەزان رۆژانی ١٣، ١٤ و ١٥ی ئەم مانگە لەسەرجەم دەزگاکانی حکومەتدا پشوی فەرمی دەبێت و رۆژی ١٦ ئایاریش دەوامی فەرمی لە فەرمانگەکان دەستپێدەکاتەوە.

 

 لە رۆژمێری ساڵانەی پشوو و بۆنە فەرمییەکانی حکومەتی هەرێمدا هاتووه‌، رۆژانی پێنجشەممە تاوەکو شەممەی داهاتوو (١٣، ١٤ و ١٥ی ئایار) بەبۆنەی جەژنی رەمەزان لەسەرجەم دەزگاکانی حکومەتدا پشوی فەرمی دەبێت و رۆژی یەکشەممەش ١٦ی ئایار ده‌وامی فه‌رمی لەفەرمانگەکان ده‌ست پێده‌كاته‌وه‌.

 

ئه‌مه‌ش له‌كاتێكدایه‌ بڕیاره‌ ئێوارەی رۆژی ١١ی ئایار لیژنەی بینینی مانگ لە هەرێمی کوردستان کۆببێتەوە و بڕیار لە دیاریکردنی یەکەم رۆژی جەژن بدەن و ئەگەر لەو رۆژەدا مانگ ببینرێت، پشووی جەژن گۆڕانکاری بەسەردا دێت و رۆژی چوارشەممە ١٢ی ئایار دەبێتە یەکەم رۆژی جەژن بە پێچەوانەوە ئەگەر نەبینرێت، ئەو رۆژە دەبێتە تەواوکاری مانگی رەمەزان و یەکەم رۆژی جەژن دەکەوێتە رۆژی پێنج شەممەوە.