پەیامی کورد... هێزەکانی پێشمەرگە و سوپای عێراق ئۆپەراسیۆنێکی هاوبەشیان لە سنووری گەرمیان و خانەقین ئەنجامدا

لە ڕاگەیەنراوێکدا وەزارەتی پێشمەرگەی هەرێم بڵاویکردۆتەوە، هێزی پێشمەرگەی کوردستان بەهاوبەشی لەگەڵ سوپای عێراق ئۆپەراسیۆنێکی بەرفراوانیان لەناوچەی بەرپرسیارێتی نێوانیان لەبۆشایی ئەمنی سنووری گەرمیان و خانەقین و خورماتوو ئەنجامدا.
ڕاشیگەیاندوە، لەو ئۆپراسیۆنەدا هێزی پێشمەرگە بەهاوبەشی لەگەڵ سوپای عێراق بەوردی کێوماڵ و گەڕان و پشکنینان بۆ چەند ناوچەیەکی فراوان لە سنووری گەرمیان و خانەقین و خورماتوو ئەنجامداوەو چوار لیوای پیادەی سەر بە وەزارەتی پێشمەرگە و لیوایەکی هێزەکانی 70 و ئاسایشی گەرمیان بەشداری چالاکیەکەیان کردووە.