image

پەیامی کورد      ...    مەسروور بارزانی سەرۆکی حکوومەتی هەرێمی کوردستان پەیوەندییەکی تەلەفۆنی لەگەڵ کۆسرەت ڕەسووڵ عەلی یەوە ئەنجامدا

سەرۆکی حکوومەتی هەرێمی کوردستان بەمەبەستی هەواڵ پرسین لەدۆخی تەندرووستی پەیوەندی بە سەرۆکی ئەنجوومەنی باڵای سیاسی و بەرژەوەندی یەکێتی نیشتمانی کوردستانەوە کرد و خۆشحاڵی دەربڕی بە گەڕانەوەی بۆ هەرێمی کوردستان.
نووسینگەی راگەیاندنی کۆسرەت رەسوول بڵاویکردەوە، ئەمڕۆ یەکشەممە کۆسرەت رەسوول عەلی سەرۆکی ئەنجوومەنی باڵای سیاسی و بەرژەوەندی یەکێتی نیشتمانی کوردستان پەیوەندییەکی تەلەفۆنی لە مەسروور بارزانی سەرۆکی حکوومەتی هەرێمی کوردستانەوە پێگەیشت.

ئەوەش هاتووە، پەیوەندییە تەلەفۆنییەکەی مەسروور بارزانی بۆ کۆسرەت رەسوول عەلی بەمەبەستی پرسینی هەواڵی تەندرووستی و خۆشحاڵی دەربڕین بو بە گەڕانەوەی.

لەو پەیوەندییە تەلەفۆنییەدا سەرۆکی حکوومەتی هەرێم خۆشحاڵی خۆی بە گەڕانەوەی کۆسرەت رەسوول دەربڕی و هیوای لەشساغی و تەندرووستییەکی باشی بۆ خواستوە، لەبەرامبەریشدا کۆسرەت رەسوول عەلی سوپاسی مەسروور بارزانی کردوە.

جێگای ئاماژەدانە کە رۆژی 15-04-2021 دوای وەرگرتنی چارەسەر لە سویسڕا، کۆسرەت رەسوول عەلی گەڕایەوە هەرێمی کوردستان. مەسعوود مەلا هەمزە، سکرتێری رۆژنامەوانی کۆسرەت رەسوول بە ڕووداوی راگەیاند بوو تەندرووستی "زۆر باشە."