image

پەیامی کورد      ...    سەرۆک بارزانی پێشوازی لە باڵیۆزی کەنەدا لە عێراق دەکات

ڕۆژی یەکشەممە ٢٤ـی تشرینی یەکەمی ٢٠٢١ لە سەلاحەددین سەرۆک مەسعوود بارزانی پێشوازی لە ئۆرلیک شانۆن باڵیۆزی کەنەدا لە عێراق کرد.

لە دیدارەکە دا کە ئیت دوڤال بەرپرسی نووسینگەی کاروباری باڵیۆزخانەی کەنەدا لە هەولێر ئامادە بوو، بیروڕا لە بارەی پڕۆسەی سیاسی عێراق و بەڕێوەچوونی هەڵبژاردن و قۆناغی دوای هەڵبژاردن ئالوگۆڕکرا.

هەر لەو کۆبوونەوەیە دا سەرۆک بارزانی جەختی لەوە کردەوە کە سەرکەوتنی پڕۆسەی سیاسی لە عێراق بەندە بە بەهێزبوونی دیموکراسی و جێبەجێکردنی شەراکەت و ڕێزگرتن لە مافی هەموو پێکهاتەکانی عێراق.

لە درێژەی ئەو دانیشتنەدا هەردوولا جەختیان لەسەر پەیوەندییەکان و دۆستایەتی نێوان گەلی کوردستان و گەلی کەنەدا کردەوە.