پەیامی کورد... سەرۆك بارزانی پێشوازی لە كونسوڵی گشتیی هۆلەندا کرد
ئه‌مڕۆ سه‌رۆك بارزانی پێشوازی له كونسوڵی گشتیی هۆڵه‌ندا له هه‌ولێر كرد و لەبارەی دوایین پێشهاتە سیاسییەكانی عێراق و ئەگەرەكانی ناو پڕۆسەی سیاسی عێراق بیر و ڕا ئاڵوگۆڕ كرا.
ڕۆژی چوارشەممە 3ی ئابی 2022 لە سەڵاحەدین، سەرۆك مەسعود بارزانی، پێشوازی لە هانس ئەكەربووم، كونسوڵی گشتیی هۆلەندا لە هەولێر كرد، كە بەبۆنەی كۆتایهاتنی ئەركەكانی و بە مەبەستی ماڵئاوایی سەردانی سەرۆك بارزانی كردبوو.
لە دیدارەكەدا بیروڕا لەبارەی دوایین پێشهاتە سیاسییەكانی عێراق و ئەگەرەكانی ناو پڕۆسەی سیاسی عێراق ئاڵوگۆڕ كرا.
هەر لەو دیدارەدا كونسوڵی گشتیی هۆلەندا ڕایگەیاند كە شەرەفێكی گەورە بووە لە كوردستان كاری كردووە و لە داهاتووشدا هەروەك دۆستی گەلی كوردستان دەمێنێتەوە. كونسوڵی گشتیی هۆلەندا ڕاشیگەیاند كە وڵاتەكەی ئامادەیە لەگەڵ حكوومەتی هەرێم هاوكار و هەماهەنگ بێت بۆ پەرەپێدانی پەیوەندییەكان بە تایبەت لە بواری تەكنۆلۆژیای كشتوكال و فرەچەشنكردنی كەرتی كشتوكاڵ لە هەرێمی كوردستاندا.
