image

پەیامی کورد     ...    شێخ جەعفەر شێخ موستەفا سەبارەت بە کچەکەی پەیامێک بڵاو دەکاتەوە  .

شێخ جەعفەر شێخ موستەفا جێگری سەرۆكی هەرێمی كوردستان دەڵێت، كچەكەی ئەو تەقەی نەكردووە بەڵكو ئاسایش تەقەی لەو كردووە و رووداوەكە كۆنترۆڵ كراوە و خەڵكانێك دەیانەوێت گەورەی بكەن.
شێخ جەعفەر شێخ موستەفا ئاماژەی بەوەداوە، رووداوەكەی شەوی رابردوو كۆتایی هاتووە و كۆنتڕۆڵكراوە، بەڵام خەڵكانێك دەیانەوێت گەورەی بكەن، كچەكەی من تەقەی نەكردوە ئەسڵەن ئەو دەبێت سكاڵا تۆمار بكات، بەڵام ئەگەر كچەكەم و تەنانەت خۆشم لەلایەن دادگاوە داوا بكرێین ئامادە دەبین، كەس لەسەرو یاساوە نیە,
باسی لەوەشكردووە، لەو ڕووداوەدا هەركەسێك لەلایەن دادگاوە داوا بكرێت، پێویستە بچێتە بەردەم دادگا و كەس لەسەرووی یاساوە نییە، كەسانێك دەیانەوێت كێشەكە گەورەتر بكەن و نان و پیازی پێوە بخۆن و بۆ مەرامی خۆیان بەكاری بهێنن، رووداوەكە بەوشێوەیە نییە و كۆنتڕۆڵكراوە و كۆتایی هاتووە.
شەوی سێشەممە لە گەڕەكی سەرچناری شاری سلێمانی، هێزێكی سەربە شێخ جەعفەر و هێزێكی ئەمنی روبەڕووی یەك بوونەوە و تەقەیەكی زۆریان لەیەكتر كرد، بەهۆی ئەوەشەوە ١٠ كەس برینداربوون كە سەرجەمیان ئەندامی هێزە ئەمنییەكانن.