image


پەیامی کورد … ٧ تووشبووی کۆرۆنا لە هەرێمی کوردستان گیانیان لە دەست دا

 

وەزارەتی تەندروستی حكومەتی هەرێمی كوردستان ڕایگەیاند، لە ماوەی ٢٤ كاتژمێری ڕابردوو، ٤٩٩ توشبوی دیكەی كۆرۆنا تۆماركراوە، حەوت كەسیش بەهۆی ڤایرۆسەكەوە گیانیان لەدەستداوە.

 

وەزارەتی تەندروستی، ئاماری ٢٤ كاتژمێری ڕابردوی كۆرۆنای بڵاوكردەوە و بەگوێرەی ڕاگەیەندراوەكەش، ٤٩٩ حاڵەتی نوێی توشبوون بە كۆرۆنا تۆماركراوە و ٧٨٧ توشبووی دیكەش چاكبووەتەوە.

 

ئاماژەی بەوەشداوە، هەر لەوماوەیەدا حەوت كەس بەهۆی ڤایرۆسەكەوە گیانیان لە دەستداوە.

 

كۆی گشتی توشبوان بە كۆرۆنا لە هەرێم گەیشتە، ١٦٠ هەزار و ٥٣٠ توشبوو، لەو ژمارەیەش ١٤٣ هەزار و ٨٦١ كەس چاكبونەتەوە، چوار هەزار و ١٥٧ توشبویش بەهۆی ڤایرۆسەكەوە گیانیان لە دەستداوە.