image


پەیامی کورد... تیمی بەسکیتبۆڵی کچانی سنە گەیشتە خولی نایابی ئێران

تیمی بەسکیتبۆڵی کچانی سنە لە دوایین یاریی کێبڕکێکانی سەرکەوتن بۆ خولی نایابی باسکەی ئێران، سەرکەوتنی بەدەست هێنا و چووە خولی نایابی بەسکیتبۆڵی کچانی ئێرانەوە.

ڕۆژی یەکشەممە ١٦ی نیسانی ٢٠٢٢، دوایین یاریی کێبڕکییەکانی خولی سەرکەوتنی تیمەکانی باسکەی کچانی ئێران بۆ خولی نایاب، لەنێوان تیمی باسکەی کچانی سنە و تیمی بەسکیتبۆڵی کچانی مەشهەد، کاتژمێر ٨ی سەرلەئێوارە و لە یاریگەی باسکەی ئازادیی شاری سنە بەڕێوە چوو کە تیمی کچانی سنە بە بەدەستهێنانی ٦٥ خاڵ لە بەرامبەر ٦٣ خاڵی تیمی کچانی مەشهەد و بە مەودای ٢ خاڵ توانی سەرکەوتن بەدەست بهێنێت و بڕواتە خولی نایابی بەسکیتبۆڵی کچانی ئێرانەوە.

شایانی باسە کە تیمی بەسکیتبۆڵی کچانی سنە لەلایەن ڕژێمەوە هیچ پێداویستییەکی وەرزشییان بۆ دابین نەکراوە و لەلایەن خواردنگەی «کەبایی شەیدا» ی شاری سنەوە سپۆنسەری دەکرێت و بەم هۆکارەشەوە ناوی ئەو خواردنگەیە وەکوو نازناوی تیمەکە دیاری کراوە.