image


پەیامی کورد... تیروپشکی قۆناغی کۆمەڵەکانی یۆرۆپا لیگ ڕاکێشرا

یەکێتی تۆپی پێی ئەورووپا تیروپشکی قۆناغی کۆمەڵەکانی وەرزی داهاتووی یۆرۆپا لیگی ڕاکێشا و یانەکانی مانچێستەر یونایتد و ڕیاڵ سۆسیداد و شێریف و ئۆمۆنیا لە کۆمەڵەی پێنجەمدان.

کۆمەڵەی یەکەمیش پێکهاتووە لە یانەکانی ئارسناڵی ئینگلیزی و ئایندهۆڤنی هۆڵەندی و گلێمتی نەرویجی و زیورخی سویسری، لە کۆمەڵەی دووەمیشدا یانەکانی دینامۆ کیێڤ و ڕین و فەنارباخچە و ئایک لارنکا دەبینرێن.

هەریەکە لە یانەکانی ڕۆما و ڕیاڵ بیتیس و لۆدۆگۆرێتس و هلسنکی لە کۆمەڵەی سێیەمدا دەبینرێن، لازیۆ و فینۆرد و میتیلاند و شتۆرم گراتس لە کۆمەڵەی شەشەمدان.

کۆمەڵەی هەشتەمیش پێکهاتوە لە یانەکانی مۆناکۆ و ترابازنۆن سپۆرت و فرینکفارۆزی و ڕێدستار، هەریەک لە یانەکانی ئۆلمپیاکۆس و فرایبۆرگ و نانت و کاراباگ لە کۆمەڵەی حەوتەمدان.

بڕیارە لە هەشتی مانگی نۆی داهاتوو یارییەکانی قۆناغی کۆمەڵەکان دەستپێبکات و کۆتا یاری ئەو قۆناغەش لە سێی مانگی ١١ بەڕێوەدەچێت، یاری کۆتایی ئەم وەرزەی یۆرۆپا لیگیش لە ٣١ی مانگی پێنجی ساڵی داهاتوو ئەنجامدەدرێت.